للحصول على أيادي ناعمة و بيضاء جمعتلكم شوية وصفات حلوة ان شاء الله تعجبكم،
اول وصفة، معلقة عصير ليمون و معلقة زيت زيتون ضيفي عليهم معلقتين عسل و صفار بيضة واحدة، اخلطيهم و حطيهم على ايديكي لمدة 20 دقيقة ... ممكن اكثر و على فكرة كلما تخلي الخليط ده اكثر كلما يدي مفعول احسن...
الوصفة التانية عشان تزيلي الريحة الوحشة اوي بعد ما بتغسلي السمك ، استعملي معجون الاسنان، افركي ايديكي بيه و اغسلي بمية باردة
عشان تشيلي ريحة البصل و الثوم افكري ايديكي بمعجون الاسنان او نصف ليمونة لمدة 10 دقايق و بعدين اشفطي بمية باردة... ابعدي عن المية الدافية او السخنة عشان بيثبتوا الريحة الوحشة اكثر مش بيشيلوها!!
على فكرة بالنسبة للي رجليهم بتعرق و بتدي ريحة وحشة... خذي اكياس شاي حوالي 3 اكياس و انقعيهم في مية و سيبيهم فيها لمدة 15 دقيقة.. بعدين حطي رجليكي في المنقوع ده و داومي عليها لمدة اسبوع و هتلاحظي انه العرق بقى بيقل و الريحة بتروح...
الوصفة التالتة بقى... تاخذي شوية زيت زيتون مع شوية ملح... نفرك بيهم الايدين لمدة 10 دقايق و نغسل بصابون ناعم او بشامبو... ايوة شامبو عشان بيحتوي على ملينات.... بعدين اذهني ايديك بكريم.. نتيجة مضمونة 100% ايدين ناعمة اوى و ريحة ولا أحلى!
لو ظوافر ايديكي بيتكسروا بسرعة و شكلهم وحش اوى ... الوصفة الرابعة جت عشان تحللك المشكلة دي.. خذي معلقة زيت خروع و معلقة زيت زيتون.. دفيهم و ضيفي عليهم معلقة عصير ليمون.. حطيهم في اناء و انقعي ظوافرك فيه لمدة 10 دقايق... داومي يا بت و هتلاحظي انه ظوافرك بقت بيضة و حلوة و مش بتتكسر خلاص..
الوصفة الخامسة بقى، شوية زيت زيتون و قهوة مطحونة... افركي بيها ايديكي...
نصائح بقى عن طريقة الحفاظ على ايدين حلوين كلهم نعومة ...
*استعملي كريم مرطب يوميا *اغسلي ايديكي بصابون يحتوي على كريم مرطب *استعملي قفازات قبل ماتنظفي مساحيق او تغسلي المواعين.. *حطي في بالك انه الرجالة بتلاحظ كثير ايدين الستات ههههههههههه آه والله اكثر حاجة بياخذوا بالهم منها ... وبيقولوا انه شكل الايدين بيعكس شخصية الست و بيبين مدى اناقتها و اهتمامها بنفسها
